«Өндіріс компанияларын БАКАД бойына орналастыру — облыс экономикасына айтарлықтай көмектеседі. Бұл мәселені Үкіметпен және компаниялармен талқылау қажет. Облыс орталығы Алматыға қарағанда «қарсы магнит» болуға тиіс», — деді Мемлекет басшысы.
Және ол басқа елдерден көшіп келген өндірістік орындарды ашу үшін барлық жағдай жасалуы тиіс екенін атап өтті.
«Бұл мәселені шетелдік серіктестермен кедергісіз және үздіксіз тауар алмасу мақсатында қазірдің өзінде пысықтау қажет. Өңірде ірі көлемде салық төлейтін бірқатар экспорттаушы кәсіпорындар жұмыс істейді. Оларға мемлекеттік қолдау шараларын ұсыну арқылы өндірістерді кеңейтуге көмектесу керек. Ұлттық экономика және қаржы министрліктері ұсыныстарды бір ай мерзімде қарастырсын», — деді ҚР Президенті Қасым-Жомарт Тоқаев.
