Оның айтуынша, қазір елімізде тұрмыстық зорлық-зомбылық құрбандарына 41 дағдарыс орталығы қызмет көрсетеді, оның 14-і мемлекеттік, 27-сі жекеменшік.
«Бұл орталықтар Абай және Алматы облысын қоспағанда, республиканың 18 өңірінде жұмыс істейді. Абай және Алматы облыстарында дағдарыс орталықтарын құру қажеттілігі бар. Орталықтарды ұстау жергілікті бюджет қаражаты есебінен жүзеге асырылады. Бөлінген қаражат көлемі шамамен 1,4 млрд теңге. Орталықтарда зардап шеккендерге қызметтер 6 айға дейін 24 сағат немесе тәулігіне алты сағат күндіз көрсетіледі. Жыл басынан бері орталықтар 3 975 адамға көмектесті», – деді министр.
Сонымен қатар ол бірқатар өңірде әлеуметтік қызмет көрсету дамымағанын атап өтті.
«Павлодар, Ақмола, Қарағанды және Қостанай облыстарын қоспағанда, өңірлерде дағдарыс орталықтарының желісі дамымаған. Орталықтардың орналасқан жері зорлық-зомбылық құрбандарының көпшілігіне қолжетімді емес», – деді министр.
