«Аймақ» шарасын ұйымдастырудың мақсаты — әрбір әкімшілік аймақтағы құқық бұзушылықтардың алдын алу, азаматтармен тығыз әрі сенімді қарым-қатынас орнату», — дейді жергілікті полиция қызметінің бөлім бастығы Рашид Нұрмамбетов.
Оның ақпаратына сүйенсек, 1 ай бойы полиция мамандары пәтерлер мен аулаларды аралайды, сондай-ақ ішкі істер органдарында профилактикалық, пробациялық және тізімдік есепте тұрған адамдарды тұрғылықты жері бойынша тексереді. Заңды қаруы бар тұрғындарға барып, құрылыс, базар, жалға берілген пәтерлерді де аралап шығады.
Сонымен қатар полиция басшылығы қала тұрғындары мен қонақтарға іс-шараға түсіністікпен қарап, қолдау көрсетуін сұрайды.
