Кездесу барысында ауыл әкімдері бірқатар мәселелер туралы сөз қозғады:
- Қаражота, Қаратұрық, Малыбай, Масақ, Тескенсу және Сөгеті ауылдарының дәрігерлік амбулаториясына жөндеу жүргізу қажет. Тіпті, Нұрлы ауылының медицина қызметкерлері тұрғындарды мектепте қабылдауға мәжбүр;
- жөндеу көрмеген мектеп мәселесі;
- полиция пунктін салу.
Өз кезегінде облыс әкімі ауыл басшыларына мектеп салу үшін керек құжаттарды дайындап, мемлекеттік бағдарлама бойынша бой көтеретін нысандардың тізіміне енгізуді тапсырды. Және білім ошақтары елдімекеннің орталығында салынуы қажет екенін баса айтты.
«Полиция қызметкерлеріне Мәдениет үйлерінен, әкімшілік ғимараттардан орын берген дұрыс. Пункт салуға жұмсалатын қаражатты әлеуметтік салаға бөлгеніміз тиімдірек», — деп жауап берді Марат Сұлтанғазиев.
Сондай-ақ аймақ басшысы бизнесті дамытудың, халықты жұмыспен қамтудың жоспары туралы мүлдем жақ ашпаған ауыл әкімдерін түгелдей сынның астына алды.
Айта кетейік, облыс әкімі барлық ауданды аралап, ауылдық округ әкімдерінің жұмысына талдау жүргізеді. Алдағы уақытта оның әр іс-сапары туралы толық ақпаратпен бөлісетін боламыз.
