Жалпы соманың 55%-ға жуығын жеке инвестициялар құрайды, оның ішінде әкімдік алдағы үш жылда 1,3 трлн теңге тартуды жоспарлап отыр. Қалғаны 2030 жылға дейінгі орта мерзімді кезеңге бағытталады.
Бұл туралы мәслихаттың XXV сессиясында «2025 жылға дейінгі даму бағдарламасын және 2030 жылға дейінгі орта мерзімді перспективаларды» бекіту туралы Алматы қаласының басшысы Ерболат Досаев мәлімдеді.
«Біздің жаңа даму бағдарламамыз – заманауи талаптар мен міндеттерге жауап беретін және ең алдымен Алматы тұрғындарына арналған құжат. Бұл ретте 2025 жылға дейінгі қазіргі даму жоспары орталық құрылымдармен келісе отырып, жаңа даму бағдарламасына сәйкестендіріліп, нәтижесінде сапалы әрі жаңартылған мазмұнға ие болады», — деді Алматы әкімі Ерболат Досаев.
Қолданыстағы бағдарламаға өзгерістер алдағы екі ай ішінде енгізіледі деп жоспарланып отыр.
