Сот азаматтың 2020 жылдың қыркүйегінен бастап 2021 жылдың қазан айына дейінгі кезеңде «К» тұтыну кооперативінің төрағалық қызметін атқара отырып,өзіне сеніп тапсырылған қаражатты ысырап ету жолымен ұрлап, кооперативке 77 миллион теңге сомасында мүліктік залал келтіргенін анықтады.
«Сот үкімімен азамат кінәлі деп танылып, оған басшылық лауазымдық қызметтерді атқару құқығынан 6 жылға шектете отырып, 7 жыл 6 ай бас бостандығынан айыру жазасы тағайындалды. Сотталушыдан «К» тұтыну кооперативінің пайдасына 77 млн 443 мың 988 теңге залал өндірілді. Үкім заңды күшіне енген жоқ», — деп хабарлады соттың баспасөз қызметі.
Оның кінәсі жәбірленушінің, куәлардың айғақтарымен және қылмыстық істің басқа материалдарымен дәлелденді. Сот сотталушының кінәсін ішінара мойындағанын және жасаған ісіне өкінгенін жауаптылықты жеңілдететін мән-жайлар ретінде танып, оның әрекетінде ауырлататын мән-жайлар жоқ екендігін атап өтті.
