Кездесуге өңірлік кәсіпкерлер кеңесі және «Атамекен» ҰКП төрағасының орынбасары Тимур Нақыпбеков қатысты.
Өңірлік кеңес мүшелерінің пікірінше, облыстағы бизнесті дамыту мақсатында бірыңғай, әрі тиімді стратегия әзірлеудің уақыты келді. Және аталған стратегияны мемлекеттің тиісті органдарымен бірлесе отырып жасаудың амалын қарастыру қажет. Отырыста:
- мектепке дейінгі және бастауыш білім беру;
- фармацевтика және дәріхана қызметі;
- тауарларды таңбалау;
- жер қойнауын пайдалану;
- жайылым жерлердің жетіспеушілігі;
- салық салу салалары бойынша қордаланып қалған мәселелер қозғалды.
Сонымен қатар Тимур Нақыпбеков елімізде бизнес үшін арнайы диалог алаңы құрылғанын және ол алаңда «Атамекен» палатасы кәсіпкерлердің көкейкесті мәселелерін талқыға салатынын айтты.
