«Бір қуантарлығы, біздің Жетісу облысында апатты мектептер мен үш ауысымды мектептер жоқ. Сондықтан ендігі біздің басты назарымыз – білім сапасын көтеру мен тәрбие тізгінін мықтап ұстауға бағытталуы тиіс», — деп атап өтті облыс басшысы.
Оның айтуынша, өңірде 3 жастан 6 жасқа дейінгі балаларды мектепке дейінгі біліммен қамту көрсеткіші 98,3% құрады. Білім сапасының деңгейі — 64,2%.
«Оқыту мен тәрбиені тең алып жүру үшін мектеп пен ата-аналардың өзара жауапкершілігіне негізделген «оқушы — мектеп — ата-ана» бірлескен жұмыс форматы енгізіледі», — деді Бейбіт Исабаев өз сөзінде.
