Қытайлық делегация Алматы облысы әкімінің орынбасары Ғани Майлыбаевпен кездесіп, екі өңір арасындағы байланысты одан әрі дамыту мүмкіндіктерін қарастырды.
Кездесу барысында ауыл шаруашылығы, медицина, спорт және туризм салаларында тәжірибе алмасуға ерекше назар аударылды. Тараптар аталған бағыттар бойынша өзара байланысты күшейтіп, бірлескен бастамаларды жүзеге асыруға мүдделі екенін жеткізді.
Сонымен қатар Алматы облысы мен Цинхай провинциясындағы кәсіпорындар мен ұйымдар арасында тікелей байланыс орнату, бірлескен жобаларды іске асыру мүмкіндіктері талқыланды.
Цинхай провинциясының жасыл даму, ауыл шаруашылығы, энергетика, экологиялық технологиялар және табиғи ресурстарды тиімді пайдалану бағыттарында тәжірибесі мол. Осыған байланысты тараптар аталған салалардағы тәжірибе алмасуды жолға қойып, өзара тиімді ынтымақтастықты дамытуға қызығушылық танытты.
Кездесу қорытындысында тараптар өңіраралық байланысты нығайтып, нақты бағыттар бойынша бірлескен жұмысты жалғастыруға ниетті екендерін білдірді.
