Оқиға Іргелі ауылдық округіне қарасты Көксай ауылының маңында болған. Алдын ала мәлімет бойынша, заңсыз қоқыс полигонындағы қалдықтар өртеніп, жалын 400 шаршы метр аумақты шарпыған.
Өрт сөндірушілер жалынның одан әрі таралуына жол бермей, өртті оқшаулады. Оқиға орнында үздіксіз су беру ұйымдастырылған.
Сонымен қатар арнайы техниканың көмегімен аумақты қалпына келтіру жұмыстары жүргізілуде. Қайта тұтанудың алдын алу мақсатында өрт ошақтары топырақпен көмілуде.
Қазіргі уақытта өртті толық сөндіру жұмыстары жалғасып жатыр. Оқиғаның шығу себебі туралы әзірге ақпарат берілген жоқ.
