Оқиға 4317 метр биіктікте болған. 2002 жылы туған азамат таудан түсу кезінде аяғы мен қолынан жарақат алып, өздігінен қозғала алмай қалған.
Оқиға орнына Алматы қаласы Мониторинг және жедел әрекет ету орталығының құтқарушылары аттанды. Мамандар зардап шеккен туристпен байланыс орнатып, оның нақты геолокациясын анықтады.
Құтқарушылар туристке алғашқы медициналық көмек көрсетіп, қауіпсіз жерге түсіру жұмыстарын жүргізді. Зардап шеккен азамат «Эдельвейс» шлагбаумына дейін жеткізіліп, сол жерде ҚР ТЖМ Апаттар медицинасы орталығының бригадасына тапсырылды.
Кейін жарақат алған турист №12 қалалық клиникалық ауруханаға жеткізілді.
