Компанияның аудиттен өткен қаржылық есебіне сәйкес, 2024 жылы кәсіпорынның таза шығыны 528,7 млн теңгені құраған. Осылайша, бір жылдың ішінде бұл көрсеткіш 438 млн теңгеге ұлғайған.
Бір қызығы, есепті кезеңде автобус паркінің кірісі айтарлықтай артқан. 2025 жылы кәсіпорынның түсімі 325 млн теңгеге жеткен. Бұл 2024 жылғы 107,8 млн теңгемен салыстырғанда үш еседен астам көп.
Алайда кірістің өсуімен қатар кәсіпорынның шығындары да көбейген. Атап айтқанда, сатылған тауарлар мен көрсетілген қызметтердің өзіндік құны 2024 жылғы 960,2 млн теңгеден 2025 жылы 1,13 млрд теңгеге дейін өскен.
Нәтижесінде мекеменің жалпы пайдасы 852,4 млн теңгеден 803,6 млн теңгеге дейін төмендеген. Ал әкімшілік шығындар 712,5 млн теңгені құрап, кәсіпорынның операциялық шығыны 1,5 млрд теңгеге жеткен.
Автобус паркінің қаржылық жағдайына басқа да кірістер белгілі бір деңгейде оң әсер еткен. 2025 жылы олардың көлемі 550,7 млн теңгені құрады. Дегенмен бұл да алдыңғы жылмен салыстырғанда аз. 2024 жылы кәсіпорынның өзге кірістері 899,8 млн теңгеге жеткен еді.
Осы түсімдердің есебінен компания жыл қорытындысындағы таза шығынды 966,7 млн теңге деңгейінде ұстап қалған. Соған қарамастан, кәсіпорынның бүкіл қызмет кезеңінде жинақталған бөлінбеген шығыны 1,77 млрд теңгеге дейін өскен.
«Алматы облысының автобус паркі» ЖШС толығымен мемлекетке тиесілі. Кәсіпорынның жалғыз қатысушысы – «Алматы облысының жолаушылар көлігі және автомобиль жолдары басқармасы» мемлекеттік мекемесі.
Қаржылық есепке сәйкес, 2025 жылы автобус паркінде орта есеппен 146 адам жұмыс істеген.
