Іс-шара Алматы облысының жастар саясаты мәселелері жөніндегі басқармасының қолдауымен өтті. Рейд барысында полиция қызметкерлері, Жастар ресурстық орталығының мамандары мен қоғам белсенділері компьютерлік клубтар мен жастар жиі баратын қоғамдық орындарды аралады.
Мамандар жасөспірімдермен әңгімелесіп, қауіпсіздік ережелері мен заң талаптарын түсіндірді. Сондай-ақ кәмелетке толмағандардың бос уақытын қауіпсіз өткізуіне және құқықтық сауаттылығын арттыруға ерекше назар аударылды.
Мұндай шаралардың негізгі мақсаты – жасөспірімдерді жазалау емес, олардың қауіпсіздігін қамтамасыз ету, құқық бұзушылықтың алдын алу және жастарға дұрыс бағыт-бағдар беру.
Еңбекшіқазақ ауданында жастардың қауіпсіздігіне бағытталған профилактикалық жұмыстар алдағы уақытта да жалғасады.
