Жаңа мектеп заманауи талаптарға сай салынған. Мұнда оқушылардың сапалы білім алуына, жан-жақты дамуына және шығармашылық қабілеттерін шыңдауына қажетті жағдай жасалған.
Білім ордасының ашылу рәсімі ақсақалдардың ақ батасымен басталды. Салтанатты шара барысында Алатау қаласы әкімінің орынбасары Гүлбану Несіпбаева, қалалық мәслихат төрағасы Роза Абилова және Алатау қаласы Полиция басқармасының бастығы, полиция майоры Нұржан Кеңесханұлы сөз сөйледі.
Олар оқушыларды, ата-аналар мен педагогтерді жаңа мектептің ашылуымен құттықтап, білім ордасының өскелең ұрпақтың сапалы білім алып, қабілетін дамытуына жаңа мүмкіндік беретінін атап өтті.
Жаңа №20 «Келешек» орта мектебі жаңа оқу жылынан бастап оқушыларды қабылдап, білім беру жұмысын бастады.
