«Алатау Жарық Компаниясы» АҚ мәліметінше, мәселе мүлік иелері бірлестіктері (МИБ), пәтер иелері кооперативтері (ПИК) және басқарушы компаниялардың энергиямен жабдықтаушы ұйым алдындағы берешегіне байланысты.
Тамыз айынан бастап электр энергиясы үшін төлем түбіртектерінде тұрғын үйдің ортақ берешегі жеке жолмен көрсетіле бастады. Осыған байланысты тұрғындарға түбіртектерін мұқият тексеріп, ортақ қарыз анықталған жағдайда өздерінің МИБ, ПИК немесе басқарушы компаниясына жүгіну ұсынылды.
Компания мерзімі өткен берешегі бар тұтынушыларға электр энергиясын беруді шектеу және тоқтату шаралары 2026 жылғы 8 маусымнан бастап қолға алынғанын ескертті.
Алматы облысында электр энергиясы үшін ең ірі берешек Medeu City тұрғын үй кешенінде тіркелген. Оның қарызы 93,5 млн теңгені құрайды.
Сондай-ақ берешегі бар тұрғын үй кешендерінің қатарында:
- Medeu City – 93,5 млн теңге;
- Altin City – 43,9 млн теңге;
- Gres Park – 37,2 млн теңге;
- Tamarix – 34 млн теңге;
- «Ашық төбе» – 17,6 млн теңге;
- «Достар» және «Алматау» – 14,5 млн теңге;
- Aspan City-2 – 13 млн теңге;
- Galamat – 4,9 млн теңге.
Осылайша, аталған тұрғын үй кешендерінің жалпы берешегі 259 млн теңгеден асады.
«Алатау Жарық Компаниясы» берешегі бар тұтынушыларды электр энергиясын беруге шектеу шаралары қолданылмауы үшін қарыздарын уақытылы өтеуге шақырды. Тұрғындарға да қыркүйек айындағы төлем түбіртектеріндегі ортақ берешек туралы ақпаратқа назар аудару ұсынылады.
