Саналы ғұмырын білім беру мен жас ұрпақ тәрбиесіне арнаған Балжан Омарова бүгінде қоғамдық жұмыстарға да белсенді араласып келеді. Аудандық аналар кеңесін басқаратын ардагер ұстаз отбасы құндылықтарын нығайту, ұлттық тәрбие мен салт-дәстүр сабақтастығын сақтау бағытындағы бастамаларға атсалысып жүр.
Дауыс бергеннен кейін Балжан Омарова Құрылтай сайлауының ел үшін маңызына тоқталып, азаматтарды саяси науқаннан шет қалмауға шақырды.
«Қазақ қоғамында отбасы – қашанда басты құндылықтардың бірі. Бала, ата-ана, ата-баба – бәрі бір-бірімен сабақтас. Біз салт-дәстүрімізді, ұлттық құндылықтарымызды ұрпақтан ұрпаққа жеткізіп келеміз. Тарихымыздағы талай маңызды кезеңді ел болып, бірлігімізді сақтай отырып еңсердік. Қазір өзіміз де, балаларымыз да Әділетті Қазақстанды құру жолындағы маңызды кезеңдеміз. Жаңа Конституция қабылданды, енді Құрылтай депутаттарын сайлап жатырмыз. Сондықтан тарихи маңызы бар бұл оқиғаға әр азаматтың міндетті түрде қатысқаны жөн», – деді Балжан Омарова.
Айта кетейік, бүгін Қазақстанда Құрылтай депутаттарын сайлау өтіп жатыр. Алматы облысында 683 сайлау учаскесі жұмыс істеп т
