Жыл басынан бері пара алу фактісі бойынша 72 жағдай тіркелген.
Департаменттің мәлімдеуінше, жыл басынан бері 161 қылмыстық құқықбұзушылық анықталды. Оның ішінде 62,1%-дан астамы (100 құқықбұзушылық) жемқорлық қылмысымен байланысты. Пара алу бойынша 72 қылмыс тіркелді.
Жемқорлық қылмысына барғаны үшін өңірде 68 адам қылмыстық жауапкершілікке тартылған.
«Алматы облысында жыл басынан бері 17 басшы қылмыстық жауапкершілікке тартылған. Оның ішінде облыстық маңызы бар – 6 басшы, аудандық деңгейдегі – 9 басшы, қалалық деңгейдегі – 2 басшы және 1 республикалық деңгейдегі басшы бар», – деді облыстық сыбайлас жемқорлыққа қарсы департаментінің басшысы Серік Орымбетов.
