«Ең бір жақсы жаңалық — ендігі жылдан бастап «Ұстаздық қызметіне адалдығы үшін» марапатының 25 жыл еңбек өтілі бар мұғалімдерге тағайындалуы. Ештеңені ойлап тапқан да жоқпыз. Кезінде осындай жақсы дәстүр болатын. Әріптестерімізге сый-құрмет көрсету ниетінде осындай шешімге келдік», — деді өз сөзінде Асхат Аймағамбетов.
Сонымен қатар министр Президенттің тапсырмасы бойынша жалақыны көбейту, мұғалімдерді есеп беруден және міндетіне жатпайтын артық функциялардан босату бойынша жұмыстар жүргізіліп жатқанын айтып өтті.
Кеңес соңында Оқу-ағарту министрлігінің «Орта білім беру ісінің үздігі» құрмет дипломымен, «Білім беру ісінің құрметті қызметкері» төсбелгісімен, облыстық «Құрмет» грамотасымен, облыс әкімінің алғыс хатымен бірқатар аудан, қала мұғалімдері марапатталды.
