Оқиға орнына жедел жеткен құтқарушылар баланың құлап кету қаупі бар екенін анықтаған. Мамандар автосатының көмегімен ашық терезе маңында тұрған баланы аман-есен құтқарып алды.
Белгілі болғандай, оқиға кезінде пәтердің есігі іштен құлыптаулы болған, ал ата-анасы үйде болмаған.
Құтқарушылар шамамен 5 жастағы баланы қауіпсіз жерге шығарып, кейін оны полиция қызметкерлеріне тапсырған.
Төтенше жағдайлар департаментінің мәліметінше, құтқару операциясы барысында автосатының жебесі дәл әрі шебер басқарылған. Құтқарушылардың жедел және үйлесімді әрекетінің арқасында қайғылы жағдайдың алдын алу мүмкін болды.
Төтенше жағдайлар министрлігі ата-аналарға кішкентай балаларды қараусыз қалдырмауға және терезелерге арнайы қорғаныс құралдарын орнатуға кеңес берді.
