Advertisement
Қазақстан жаңалықтары - Alataunews
  • Русский язык
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Whatsapp
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Қазақстан жаңалықтары - Alataunews
No Result
View All Result
Басты бет Жаңалықтар Аймақ

Алматы облысында 3 мыңнан астам бала қызылшаға қарсы екпе алды

Алматы облысында қайта иммундау аясында 18 жасқа дейінгі 3003 бала қызылшаға қарсы екпе алды, деп хабарлайды alataunews.kz.

Қорлан Нұрланқызы
22.04.2026
Аймақ, Алматы облысы, Жаңалықтар

Мамандардың айтуынша, ұлттық күнтізбеге сәйкес вакцинация – халық денсаулығын қорғаудың ең тиімді тәсілдерінің бірі. Қазақстанда міндетті екпелер мемлекет есебінен тегін жүргізіледі және әрбір балаға туған сәтінен бастап белгіленген мерзімдерге сай салынады.

Бұл туралы Алматы облыстық санитариялық-эпидемиологиялық бақылау департаменті басшысының орынбасары Сәулет Капсаламова мен облыстық денсаулық сақтау басқармасы басшысының орынбасары Лейла Серікбаева мәлімдеді.

Олардың айтуынша, тегін жүргізілетін вакциналар қатарында туберкулез, «А» және «В» вирустық гепатиттері, дифтерия, көкжөтел, сіреспе, полиомиелит, қызылша, қызамық, эпидемиялық паротит, гемофильді және пневмококк инфекцияларына, сондай-ақ адам папилломавирусына қарсы екпелер бар.

Мамандар вакцинация тек балалар үшін емес, ересектер үшін де маңызды екенін атап өтті. Белгілі бір жас кезеңдерінде ревакцинация жүргізіліп, ағзаның қорғаныш қабілеті сақталады. Ал медицина қызметкерлері мен қауіп тобына жататын азаматтар міндетті түрде екпе алады.

«Жыл сайын сәуір айының соңында өтетін Иммундаудың дүниежүзілік апталығы вакцинацияның маңызын еске салады. Вакциналар соңғы 50 жылда миллиондаған адамның өмірін сақтап қалды. Соған қарамастан, әлемде әлі де екпе алмаған балалар саны көп, ал жалған ақпарат вакцинаға деген сенімге кері әсер етіп отыр», – деді Сәулет Капсаламова.

Қазіргі таңда өңірде 6–11 айлық сәбилерді қосымша иммундау жұмыстары жүріп жатыр. Жалпы 11 480 бала екпе алуы тиіс болса, оның 8 390-ы вакцина алып үлгерген.

Сонымен қатар ұлттық профилактикалық екпелер күнтізбесіне сәйкес облыста 318 егу пункті мен 76 жылжымалы бригада жұмыс істейді. 36 алғашқы медициналық-санитариялық көмек ұйымының 33-інде вакцинация жүргізіледі.

«Вакцинацияға сенімді арттыру және әр адамның жауапкершілігін күшейту – бүгінгі күннің маңызды міндеттерінің бірі. Вакцина арқылы біз өзімізді ғана емес, болашақ ұрпақты да қорғаймыз», – деді Лейла Серікбаева.

Тегтер: Алматы облысыҚазақстан

Соңғы жаңалықтар

Қонаевта 250-ден астам сарапшы білім беруде жасанды интеллектіні қолдану мәселесін талқылады

Қорлан Нұрланқызы
20.11.2026

Интернеттегі алаяқтықтан сақ болайық

Акжаркын
20.11.2026

Нашақорлыққа жол жоқ: болашақ өз қолымызда

Акжаркын
20.11.2026

Алматы облысында үйдің шатыры өртеніп, бір бөлігі опырылды

Қорлан Нұрланқызы
20.11.2026

Өзбекстанда қазақ жазушысы Рахметолла Райымқұловтың ескерткіші ашылды

Қорлан Нұрланқызы
20.11.2026

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
ZERO.kz

© 2022-2024 www.alataunews.kz

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
  • Русский язык

© 2022-2024 www.alataunews.kz