Жол-көлік оқиғасы Алматы – Боралдай – Шамалған станциясы маңындағы теміржол өткелінде болған. Алматы облысы полиция департаментінің мәліметінше, көмір тиеген пойыз өткел арқылы өтіп бара жатқан сәтте маршруттық автобус жол бермей, соқтығысқан.
Салдарынан алты адам түрлі жарақат алып, ауруханаға жеткізілді. Олардың жағдайы дәрігерлердің бақылауында.
Қазіргі уақытта аталған дерек бойынша тексеру жұмыстары жүргізіліп жатыр. Құзырлы органдар апаттың себептері мен жауапкершілік мәселесін анықтауда.
