Мәліметке сәйкес, блогер жариялаған бейнежазбада «қазақта Наурыз деген мейрам болмаған», «бұл отқа табынушылардан келген мейрам», «мұсылмандар тойламайды» деген мазмұнда пікір айтқан.
Аталған дерекке байланысты Алматы облысының Полиция департаменті діни араздықты қоздыру фактісі бойынша қылмыстық іс қозғалғанын мәлімдеді.
Ведомствоның хабарлауынша, жедел іс-шаралар барысында 1991 жылы туған К. есімді азамат анықталып, уақытша ұстау изоляторына қамалған.
«Биыл 23 наурызда әлеуметтік желілерге жүргізілген мониторинг барысында TikTok платформасында Наурыз мерекесіне қатысты діни және этномәдени сипаттағы жария айтылған пікірлері бар бейнематериал анықталды. Қазіргі уақытта қажетті тергеу әрекеттері жүргізіліп жатыр», – деп хабарлады департамент өкілдері.
