Осы жылдың алғашқы 7 айында әуе компанияларының кірісі бір жыл бұрынғы 189,2 млрд теңгемен салыстырғанда 276,8 млрд теңгені құрады.
Кірістің негізгі бөлігі, яғни 270,6 млрд теңге барлық бағыттар бойынша жолаушыларды тасымалдауға тиесілі. Тағы 6,2 млрд теңге жүк пен багаж тасымалынан түскен. Көлік құралдарын жүргізушісімен (экипажымен) қоса жалға беруден түскен кіріс 3 млрд теңге. 2022 жылғы қаңтар-шілдеде әуе көлігімен тасымалданған жолаушылар саны 5,8 млн адам, бұл өткен жылдың сәйкес кезеңімен салыстырғанда 12,8% артық. Тікелей биылғы жылдың шілде айында 1,2 млн адам тасымалданды, бұл маусыммен салыстырғанда 7,3%, ал биылғы қаңтармен салыстырғанда 2,2 есеге артық.
Өңірлер бойынша жолаушы тасымалының басым бөлігі Алматыға тиесілі: 4 млн жолаушы, былтырғыдан 8,8% көп. Сонымен қатар 2022 жылдың шілде айының соңында жолаушыларға арналған әуе компаниялары қызметтерінің бағасы былтырғыдан бірден 26,6% өсті.
