Референдум учаскесіне бірге келген жас жігіт дауыс беру рәсімінен кейін көпшілік алдында сүйіктісіне үйленуге ұсыныс жасап, оған сақина ұсынды. Күтпеген сәт учаскеде болған тұрғындардың қызығушылығын тудырып, көпшілік қуанышты оқиғаға куә болды.
Жігіттің айтуынша, дәл осы күнді таңдауының өзіндік мәні бар.
«Бүгін – еліміз үшін маңызды күн. Әр азамат ел болашағына қатысты өз таңдауын жасап жатыр. Біз де өз болашағымызға қатысты маңызды шешім қабылдадық. Сондықтан ұсынысты дәл бүгін жасағым келді», – деді ол.
Ал қалыңдық бұл күннің өз өмірінде мәңгі есте қалатынын айтты.
«Мен мұндай ұсынысты мүлде күтпедім. Бүгін референдумға келдік, ал бұл күн біздің отбасымыздың да бастауына айналды. Бұл сәт мен үшін өте ерекше», – деді ол.
Учаскеде болған тұрғындар жас жұпқа ақ тілектерін айтып, бұл оқиғаның референдум күніне ерекше жылулық пен жағымды көңіл күй сыйлағанын жеткізді.
