Ол қазіргі уақытта Қазақстан халқы Ассамблеясы жанындағы облыстық Ардагерлер кеңесінің төрағасы болып қызмет атқарады.
Ақсақалдың айтуынша, елдің болашағына қатысты маңызды шешімдер қабылданатын мұндай саяси науқандарға қатысу – әр азаматтың азаматтық парызы.
«Бүгін – еліміз үшін маңызды күн. Аға буын өкілдері мемлекет тағдырына ешқашан бейжай қараған емес. Сондықтан республикалық референдумға келіп, өз таңдауымды жасадым. Бабаларымыз тәуелсіз мемлекет туралы армандады. Бүгінде сол тәуелсіздікті бағалап, ел болашағына қатысты маңызды шешімдерді қабылдауға қатысу өте маңызды», – деді ол.
Айта кетейік, Шеңгелді ауылдық округінде барлығы 6 сайлау учаскесі жұмыс істейді. Мұнда шамамен 5300 сайлаушы тіркелген.
