Синоптиктердің мәліметінше, өңірдің солтүстігінде қалың қар жауып, ал оңтүстік бөлігі мен тау етегінде мұзды жаңбыр мен қар аралас жауын-шашын болжанып отыр.
Кей аудандарда қар тоқтаусыз жауып, көктайғақ пен тұман күтіледі. Желдің екпіні секундына 24–29 метрге дейін күшеюі мүмкін.
Ал Қонаев қаласында желдің жылдамдығы секундына 25 метрге дейін жетуі мүмкін.
Синоптиктер тұрғындарды сақ болуға, әсіресе жолда және ашық аумақта қауіпсіздік шараларын қатаң сақтауға шақырды. Жүргізушілерге жылдамдықты төмендетіп, алыс жолға шықпау ұсынылады.
