Комитет мәліметінше, қазіргі таңда Үндістандағы эпидемиологиялық ахуалдың нашарлауына байланысты Қазақстанның мемлекеттік шекарасында санитарлық бақылау шаралары күшейтілген.
«Үндістандағы жағдайға байланысты мемлекеттік шекарада тексеру күшейтілді. Сондай-ақ комитет азаматтарға Нипах вирусы тараған елдерге бармай-ақ қоюға кеңес береді», – делінген хабарламада.
Ведомство азаматтарға сапар жоспарлау барысында эпидемиологиялық жағдайды ескеріп, жеке қауіпсіздік шараларын сақтауды ұсынды.
Айта кетейік, Нипах вирусы – ауыр инфекциялық аурулардың қатарына жатады және адамнан адамға жұғуы мүмкін.
