ТЖМ мәліметінше, ер адам аяғын қайырып алып, жүре алмай қалған. Оқиға орнына шұғыл түрде ҚР ТЖМ Республикалық жедел-құтқару жасағының құтқарушылары жіберілді.
Құтқарушылар жарақат алған туристке жету үшін таулы, қиын соқпақтармен жаяу көтеріліп баруға мәжбүр болды. Зардап шеккен азаматқа оқиға орнында алғашқы медициналық көмек көрсетілді. Кейін ол арнайы зембілдің көмегімен 3200 метр биіктіктен, тік және тасты тау жолдарымен қауіпсіз жерге дейін түсірілді.
Құтқару жұмыстары күрделі жағдайда жүргізілді. Жолдың қиындығы мен зардап шеккен азаматтың салмағы (90 келіден жоғары) құтқару процесін едәуір қиындатты. Соған қарамастан, құтқарушылар кәсіби біліктілік пен жоғары дайындықтың үлгісін көрсетті.
ҚР ТЖМ Республикалық жедел-құтқару жасағының шапшаң әрі үйлесімді әрекетінің нәтижесінде ер адам сәтті эвакуацияланып, Апаттар медицинасы орталығының қызметкерлеріне аман-есен тапсырылды.
Төтенше жағдайлар министрлігі таулы аймақтарға шыққанда қауіпсіздік талаптарын сақтауды және туристік бағыттарға кәсіби гидтердің жетекшілігімен баруды ескертеді.
