«Aspan fest» ән фестивалінің алғашқы концерттік кеші барысында «Таза аула» конкурсының алғашқы кезеңінің жеңімпаздары анықталып, салтанатты түрде марапатталды.
Қала әкімі Асхат Бердіханов байқауда белсенділік танытып, Қонаевтың көркіне көрік қосқан тұрғындарға алғыс білдіріп, арнайы сыйлықтар табыс етті.
Жүлдегерлер тізімі:
3-орын — Лилия Петрушина, Қойшыманов көшесі №6 көпқабатты тұрғын үйдің ауласын көгалдандыру жұмыстары үшін марапатталды.
Сыйлық: 100 мың теңге сертификаты.2-орын — Абдували Асылбеков, 5-шағын аудан, №56 көпқабатты үй тұрғыны.
Сыйлық: 200 мың теңге сертификаты.1-орын (Бас жүлде) — Ольга Попова, 3-шағын аудан, №28Б көпқабатты үй тұрғыны.
Сыйлық: 300 мың теңге сертификаты.
Конкурс барысында қала аумағында тазалық пен көгалдандыру бойынша үздік нәтижелер көрсеткен аулалар анықталды. Жеңімпаздар өз аулаларын сәндеуде ерекше шығармашылық танытып, көршілер арасында ынтымақ пен бірліктің үлгісін көрсетті.
Айта кету керек, бұл «Таза аула» байқауының алғашқы кезеңі ғана. Байқау алдағы уақытта да жалғасын табады, жаңа кезеңнің басталуы туралы ақпарат қосымша хабарланатын болады.
Аталған шара «Таза Қазақстан» республикалық акциясы аясында ұйымдастырылды. Оның негізгі мақсаты — қоғамда тазалық пен абаттандыру мәдениетін қалыптастыру. Қала әкімдігі бұл бағыттағы жұмыстарды жүйелі түрде жалғастырып келеді.
