Жаңа автобустардың алғашқы сапарында облыстық жолаушылар көлігі және автомобиль жолдары басқармасының басшысы Ермек Баймұхамбетов пен Қарасай ауданының әкімі Жасұлан Естенов олардың жай-күйімен танысып, жүргізушілермен тілдесті. Қоғамдық көліктердің қауіпсіздігі мен сапасына ерекше мән берілді.
Ермек Беғазыұлының айтуынша, өңірде қоғамдық көлік қызметін жақсарту жұмыстары жалғасады, ал жолаушылардың жайлылығы басты назарда болмақ.
Жаңа бағыттарда электронды төлем жүйесі енгізілді. Жолаушылар жолақысын SMS-хабарлама, көлік карталары және банк карталары арқылы төлей алады.
Қазіргі таңда 12 автобус іске қосылды:
- №6 «Тұрар – «Алтын орда» базары» бағыты бойынша – 7 автобус;
- №7 «Батан – «Алтын орда» базары» бағыты бойынша – 5 автобус.
Қоғамдық көліктер таңғы 6:00-ден кешкі 21:00-ге дейін қызмет көрсетіп, әр 20 минут сайын жүреді. Жолаушылар тасымалына Алматы облысының жолаушыларды тасымалдау компаниясы жауапты.
