«Мүлікті тіркеу бойынша қазір ешқандай қиындық жоқ. Бұрын оның қиындығы көп болатын. Қазір нотариуске барасыз, одан басқа ешқайда барудың қажеті жоқ. Осымен болды ғой деп ойлағанмын. Бірақ олай емес екен. Жылжымайтын мүлікті атыңа тіркеп болған соң бүкіл коммуналдық қызметтерді өз атыңызға аудару керек екен. Оның да өз қиындығы бар болып шықты», — деді ол Астанада өтіп жатқан Стратегиялық бастамалар форумында.
Болашақта аталған процедураның бәрін бір мезетте рәсімдеу мүмкіндігі жасалады.
«Қазір біздің бағдарлама жасаушылар осы процедураны толық қайта форматтауды ойластырып жатыр. Яғни, үйді атыңызға аударған соң, оған көшіп барып, содан кейін ғана коммуналдық қызметтерді рәсімдеу керек болған. Біз соның бәрін бір процедураға сыйғызсақ дейміз. Цифрлық мемлекетте осындай үдерістердің бәрі жеке адамның жағдайына ыңғайлы болатындай жүйеде жұмыс істеуі керек», — деді Бағдат Мусин.
