«Еліміздің үздік мемлекеттік қызметшілерінің қатарында болу — үлкен құрмет және жауапкершілік. Маған жүктелген ел мен облыс басшылығының сенімін ақтауға тырысамын. Сондай-ақ, барлық әріптестерімді мерекелерімен құттықтағым келеді. Бірлесіп атқарған жұмыс үшін дауыс бергендеріңізге рахмет. Жетісу облысында бізді үлкен жұмыс күтіп тұр», — дейді Рустам Али әлеуметтік парақшасында.
Рустам Али 1984 жылы 14 сәуірде Қарабұлақ кентінде музыкант және ағылшын тілі мұғалімі отбасында дүниеге келген. Үйленген, екі бала тәрбиелеп отырған әке. Кәсіби қызметін Алматы қаласындағы «Деловая неделя» газетінде тілші ретінде бастады. 2012-2020 жылдар аралығында Алматы облысында екі басқарманы басқарды: жастар саясаты мәселелері басқармасы және ішкі саясат басқармасы. 2020 жылдың тамыз айынан 2021 жылдың мамыр айына дейін Алматы облысы әкімінің орынбасары, одан әрі Ескелді ауданының әкімі болып тағайындалды.
Айта кетейік, аталған республикалық конкурсқа өңірден екі әкім іріктелген болатын. Бірі Рустам Әли болса, екіншісі Қаратал ауданының әкімі Исабеков Ерлан.
