«Биыл қаңтар-қазан айларында Қазақстан экономикасының өсу қарқыны 2,5% құрады. Оның ішінде нақты сектордағы өсім – 2,8%, ал қызмет көрсету саласы – 1,6%. Оң өсім қарқыны ауыл шаруашылығы, ақпарат және байланыс, құрылыс, өңдеу өнеркәсібі, сауда, көлік және қоймалау салаларында тіркелді», — деді Қуантыров үкімет отырысында.
Айтуынша, негізгі капиталға салынған инвестициялар 6,7% өскен.
«Қаңтар-қыркүйек айларында сыртқы сауда тауар айналымы 35% өсіп, 98,4 млрд доллар болды. Оның ішінде экспорт бойынша көрсеткіш 47,5% өсіп, 63,8 млрд долларға дейін жетті. Бұл ретте өңделген тауарлар экспорты 37,5% ұлғайып, 19,3 млрд доллар болды. Тауар импорты 34,6 млрд долларға тең. Оң сауда балансы 29,3 млрд долларды құрады», — деді министр.
Сонымен қатар, оның айтуынша, елімізде машина жасау өндірісі 7,7% өсті. Атап айтқанда, автомобиль жасау – 18,3%, электр жабдықтарын жасау – 12,4% артты.
