Ұлттық қауіпсіздік комитеті (ҰҚК) Денсаулық сақтау министрлігінің «Тіркелген халық тізілімі» және Damumed ақпараттық жүйелеріне рұқсатсыз қол жеткізу фактісі бойынша тергеуді аяқтады.
Тергеу барысында күдіктілер медициналық қызметкерлердің тіркелгі деректерін заңсыз иемденіп, жүйеге қол жеткізгені анықталды.
30 қаңтарда Талдықорған қалалық соты Қылмыстық кодекстің 205-бабының 2-бөлігі және 208-бабының 2-бөлігі бойынша айып тағылған күдіктілерді кінәлі деп таныды.
Сот шешімімен оларға 300 айлық есептік көрсеткіш (АЕК) көлемінде айыппұл салынды. Бұл шамамен 1,2 миллион теңгені құрайды.
