Олардың кандидатурасын өңір басшысы Бейбіт Исабаев облыстық мәслихат депутаттарына ұсынды. Мәслихаттың кезектен тыс ІІІ сессиясында халық қалаулылары әкімнің ұсынысын бірауыздан қолдады. 27 маусым күні қызметке тағайындалады деп күтілуде.
Үміткерлердің үшеуі де бұрын Алматы облысы әкімінің орынбасары ретінде қызмет атқарған.
Жақанбаев Әлібек Әскербекұлы. 1964 жылы дүниеге келген. Тәжірибесі мол, шебер ұйымдастырушы, іскер басшы екенін атап өтті. Ол бұған дейін Сарқан, Алакөл, Еңбекшіқазақ аудандарын білікті басқарып, аймақтардың әлеуметтік-экономикалық дамуына зор үлес қосты.
Тұяқов Жеңіс Шылбынұлы. 1967 жылы қазіргі Жетісу облысы, Үшарал қаласында дүниеге келген. Ол «KEGOK», «КОРЭМ», «ТАТЭК» ұлттық компанияларында басқарушылық лауазымдарда болған, сондай-ақ, Жамбыл және Павлодар облыстарында тұрғын-үй коммуналдық шаруашылық басқармасын басқарған.
Алпысбаев Рустам Әлиұлы. 1984 жылы қазіргі Жетісу облысы, Ескелді ауданы, Қарабұлақ ауылында дүниеге келген. Ол облыстық Ішкі саясат басқармасына басшылық еткенде аймақтың медиа саласына барынша көңіл бөлінді.
