Оның айтуынша, үш науқастың да жағдайы әлі де тұрақты ауыр деп бағаланып отыр.
«Үш науқас бар. 18 жастағы қыз өкпені жасанды желдету аппаратына қосылған. Әйел адам да ИВЛ-де жатыр. Ал ер азамат өздігінен тыныс алып отыр. Барлығында шок жағдайы, 11–12 пайыздан 30 пайызға дейінгі күйік жарақаттары бар. Қазір барлық қажетті медициналық көмек көрсетілуде, олар аудандық аурухананың жансақтау бөліміне жатқызылған. Санавиация құрамында бес маман – ересектер мен балалар комбустиологтары, токсикологтар, анестезиолог-реаниматологтар жіберілді. Бүгінде олар оқиға орнында, барлық қажетті көмекті көрсетіп жатыр. Дәрі-дәрмекпен толық қамтамасыз етілген», – деді Сұлтанғазиев.
Оның сөзінше, қазіргі басым міндет – зардап шеккендердің жағдайын тұрақтандыру. Сонымен бірге науқастарды Шымкент қаласына немесе Астанадағы республикалық деңгейдегі клиникаға ауыстыру мәселесі қарастырылып жатыр.
