Шегалиевтің рингтегі қарсыласы танымал ресейлік боксшысы Андрей Сироткин. Өз мансабында Сироткин үш бокс ұйымының екінші дәрежелі чемпиондық белбеулеріне, яғни WBC ABC Continental, WBA Inter-Continental, WBA Asia, WBO European титулдарына ие болды. Ол соңғы жекпе-жегін сәуір айында өткізіп, белорусь спортшысы Виктор Мурашкинді жеңді.
Әбілхайыр Шегалиевке келетін болсақ, қазақстандық спортшы ақпан айында ресейлік Манук Диланянмен жекпе-жек өткізді. Былғары қолғап шеберлерінің додасы тең нәтижемен аяқталды.
