«Ауыл шаруашылығы тауарын өндірушілер (АШТӨ) үшін жеңілдікпен берілетін дизель отынын жоспарлау және бөлу заңмен реттелмеген. Бұл өз кезегінде бірқатар қолайсыз жағдайлар туғызып жатыр. Дизель отынын бөлу – энергетика және ауыл шаруашылығы министрліктерінің хаттамасы негізінде іске асырылады», — деді Бақытжан Түлеуов өз сөзінде.
Сонымен қатар, ол қазіргі таңда Мемлекет басшысы және ҚР Қаржы мониторинг агенттігінің тапсырмасына сай, ауыл шаруашылығына дизель отынын бөлу заңдылығына талдау жүргізіліп жатқанын атап өтті.
Айта кетейік, 2022 жылы облыстағы АШТӨ-нің көктемгі жұмыстарына 14,4 мың, күзгі жұмыстарына 10,1 мың дизель отыны бөлінген.
