«Біз ішкі нарықта өндірілетін өнім қымбаттаса дабыл қағамыз. Интуитивті сөйлейміз, өйткені біз ақшадан айырыламыз. Біз жоспарланған экономикадан қалған әдет бойынша сөйлесеміз. Бірақ ел бір немесе басқа өнімнің бағасын көтеруге мәжбүр болған кезде стратегиялық жоспардың да сұрақтары болады», — дейді Әлия Құрманбай.
Оның пікірінше, дабыра қылып, дабыл қағу артық.
Айтуынша, арзан бензинмен біз оның жетіспеушілігін жиі сезінеміз, өйткені оны елден «көлеңкелі» экспорт өкілдері мен транзиторлар үлкен партиялармен алып кетеді. Жағдайды теңестіру үшін Үкімет жанар-жағармайдың кейбір санаттарына бағаны көтеруге мәжбүр. Атап айтқанда, АИ-92 және АИ-93 маркалы дизель отыны мен бензинге. Әрине, мәселе екіұшты сипатқа ие, егер Үкімет мұндай қадамға барса, яғни елге оңтайлысы осылай болу керек.
«Бүгін мен әлеуметтік желілерде дизель отыны мен бензин бағасының қымбаттауы туралы жаңалықты оқыдым. Әрине үрейлендім, өйткені еліміздің көптеген азаматы сияқты көлігім бар. Ол бағаның өзгеру себебін іздей бастадым және Қазақстанның энергетика министрі Болат Ақшолақовтың сөзін көзім шалды. Ол мұндай экономикалық қадамның себебін түсіндірді. Оның айтуынша, Қазақстан соңғы жылдары ТМД елдері арасында ЖЖМ бойынша донорға айналды, өйткені бензин мен дизель отынының бағасы халықаралық рейтинг стандарттары бойынша әлдеқайда төмен. Бұл жағдай еліміздің экономикасына да әсер етті», — дейді ол.
