Кәсіпқой рингтегі бұл жекпе-жекте оның қарсыласы – IBF рейтингінде 7-орында тұрған, жеңіліп көрмеген француз боксшысы Анауэль Нгамиссенге болды. Конголез де осы күнге дейін ешбір қарсыласқа есе жібермеген.
Жекпе-жек бірден жоғары қарқында басталды. Бірінші раундтың соңында Жәнібектің дәл тиген ауыр соққысы Нгамиссенгені нокдаунға түсірді. Төреші санау жүргізіп жатқанда, гонг соғылып, раунд аяқталды.
Үшінші раундқа қарай қарсылас қарқынын арттырып, бірнеше қарымта шабуыл ұйымдастырды. Дегенмен бесінші раундта Жәнібек Әлімханұлы жойқын соққысымен қарсыласын нокаутқа жіберіп, айқын басымдықпен жеңіске жетті.
Жекпе-жек аяқталған соң, жеңімпаз чемпион жанкүйерлеріне алғысын білдіріп, алдағы жоспарлары жайлы мәлімдеме жасады.
Фото: скриншот
