Посмотреть эту публикацию в Instagram
«Бейнеде көрсетілген жастар арасындағы жанжал 7 тамызда Жамбыл ауданы, Ұзынағаш ауылында болғанын хабарлаймыз», — делінген Алматы облысы ПД баспасөз қызметінің хабарламасында.
1978-1989 жылдары туған 4 жергілікті тұрғын саунада жүріп, ондағы жұмыскерлермен сөзге келіп қалған. Соңы төбелеске ұласқан.
«Жедел-іздестіру шаралары барысында төбелеске қатысы бар азаматтар анықталып, аудандық полицияға жеткізілді», — делінген ақпаратта.
Жамбыл ауданының полиция бөлімшесі ҚР ҚК-нің 293-бабы 2-бөлігі бұзақылық бойынша қылмыстық істі тіркеді. Іс бойынша түпкілікті процессуалдық шешім тергеу аяқталғаннан кейін қабылданатын болады.
