The Times of India басылымының жазуынша, жаңбыр су тасқынына, көшкінге ұласып, ел астанасы Делидегі бір аудандағы (оған Жаңа Дели кіреді), сондай-ақ Химачал-Прадеш, Уттаракханд, Пенджаб, Харьяна, Раджастхан штаттарындағы кей ғимараттардың құлауына себеп болды.
«Тау етегіндегі Рави, Беас, Сутлеж және Ченаб өзендері тасыды. Жаңбырдан туындаған көшкін мен су тасқыны бірнеше ауданның тіршілігін тоқтатып тастады. Сондай-ақ Химачал-Прадеш штатында күрделі жағдай қалыптасты», — делінген хабарламада.
Су тасқыны үйлерді, дүкендерді, жеңіл және жүк көліктерін шайып кетті.
Өзен деңгейі қауіпті деңгейге дейін көтерілген көршілес Уттаракхандта да көшкін мен су тасқыны болған.
