2023 жылдың түзетілген бюджеті бойынша үкіметтік қарыздарға қызмет көрсету шығыны 1 трлн 759 млрд 17,7 млн теңге болған еді. Соңғы нақтылау кезінде қосымша 83 млрд 707,5 млн теңге көзделіп отыр. Осылайша, 2023 жылдың нақтылған бюджет жобасында үкіметтік қарыздарға қызмет көрсету шығыны 1 трлн 842 млрд 725,2 млн теңге болатыны айтылған.
Министрліктің дерегі бойынша, 2021 жылдан бері үкіметтік қарыздарға қызмет көрсету шығыны тоқтаусыз өсіп келеді. 2021 жылы Қаржы министрлігі бұл мақсатқа 977 млрд 714,7 млн теңге бөлсе, 2022 жылы 1 трлн 297 млрд 405,8 млн теңге жұмсаған. Ал, 2024 жылы 1 трлн 965 млрд 417,7 млн теңге, 2025 жылы 2 трлн 164 млрд 811,2 млн теңге бөлу жоспарланған.
