Биыл Түркістан қаласынан Біріккен Араб Әмірліктерінің астанасы Абу-Дабиге тікелей әуе рейсі ашылады, деп хабарлады қала әкімдігінің ресми сайты.
«Wizz Air» авиакомпаниясы «Түркістан – Абу-Даби» әуе бағыты бойынша рейстерді 2023 жылдың қазан айынан бастауды жоспарлап отыр. Рейстер аптасына 2 рет жиілікпен заманауи А-321 ұшақтарымен орындалатын болады.
Еске салайық, FlyArystan әуе компаниясы 3 шілдеден бастап «Астана – Ташкент» рейсін іске қосады.
