Екібастұздағы көмір кеніші, трамвай басқармасы және электролиз зауытының жұмысшыларына кандидаттың сайлау алдындағы бағдарламасын түсіндірді.
Бұдан кейін аймақ жұртшылығын Достық үйіне жиып, бағдарламаны талқылады. Ал қоғам белсенділері және жастармен жүздесу кезінде басым бағыттарына тоқталып, сайлауға қатысудың маңыздылығын жеткізді.
«Республикалық қоғамдық штаб Павлодар жұртшылығымен жүздесіп жатыр. Екібастұз бен Ақсу қалалары, тағы он ауданда кездесулер өткізілуде. Жиын барысында кандидат Қасым-Жомарт Тоқаевтың сайлауалды бағдарламасы түсіндіріліп, үгіт-насихат жұмыстары жүргізілді. Республикалық қоғамдық штаб Қазақстанның 10-нан астам өңірін аралап, 13 мыңдай іс-шара өткізді», – республикалық қоғамдық штаб делегациясының басшысы Асхат Оралов.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада Президент сайлауы өтеді.
