Кездесу барысында Мемлекет басшысы өскелең ұрпаққа үлкен үміт артатынын атап өтті. Президенттің айтуынша, мемлекет жастарды қолдауды жалғастырып, олардың жан-жақты дамуына және қабілетін шыңдауға қажетті жағдай жасай береді.
Сонымен қатар Қасым-Жомарт Тоқаев наурыз айында өтетін Қазақстан Республикасының жаңа Конституциясы жобасына қатысты жалпыхалықтық референдумның ел болашағы үшін тарихи маңызы зор екенін айтты.
Кездесу кезінде студенттер мен жас зерттеушілер ғылым мен білім саласына көрсетілген қолдау үшін Президентке ризашылық білдірді. Олар халықаралық деңгейде білім алып жатқан жастарға жасалып жатқан мүмкіндіктердің маңызын атап өтті.
Айта кетейік, бұған дейін Қасым-Жомарт Тоқаевтың Вашингтонға жұмыс сапарымен барғаны хабарланған болатын.
