«Шешім қабылдамас бұрын барша тараптың депутаттардың, бизнестің, сарапшылардың, қоғамдық ұйымдардың көзқарасын ескеру керек», — дейді Тоқаев.
Ұлттық экономика министрлігі ҚҚС мөлшерлемесін қазіргі 12 пайыздан 16-20 пайызға дейін өсіруді ұсынып отыр. Бастама авторлары мұндай қадам бюджет кірісін арттырып, Ұлттық қор қаражатына тәуелділікті төмендетеді дейді. Алайда сарапшылардың басым бөлігі соңғы тұтынушыға салмақ түсетінін, инфляцияның жоғарылап, халықтың нақты табысы мен экономика өсімінің қарқыны бәсеңдеу мүмкіндігін ескертуде.
Президенттің пікірінше, салықтық реформа қоғамның мүддесіне сай болуы керек.
Үкімет салық ауыртпалығының кімге түсетінін анықтап, экономика мен халықтың әл-ауқатына теріс ықпал етпеуге басымдық беруі тиіс.
Осы мәселе бойынша нақты шешім қабылданғанға дейін пікірталас жалғаса бермек.
