ТЖМ мәліметінше, 15 ақпанда сағат 08.06-да Теміртау қаласы Ватутин көшесіндегі 2 қабатты дүкен ғимаратында газ жарылғаны туралы хабарлама келіп түскен. 2 қабатты ғимарат қирап, жанғаны анықталған.
«Тексеру және барлау барысында зардап шеккендердің орналасқан жері алдын ала анықталды. Үйінділерді тазалауға кірісті. Жұмыстарға ТЖД жеке құрамынан 17 адам, 5 техника жұмылдырылды. 23 адам, оның ішінде 5 техника оқиға орнына бара жатыр», — делінген хабарламада.
Кейін үйінді астынан әйел адам шығарылған, оның айтуы бойынша, үйінді астында ер адам бар.
