Бұл туралы Энергетика министрінің міндетін атқарушы 29 шілдеде қол қойған жаңа бұйрықта айтылған.
Құжатқа сәйкес, электр энергиясын өндіруші бірнеше ірі кәсіпорынның тарифтері жаңартылды. Тарифтердің көтерілуі – саладағы өндірістік шығындардың артуы мен инфрақұрылымдық жаңғырту қажеттілігімен байланыстырылады.
Тариф өсімі қандай?
| Кәсіпорын атауы | Бұрынғы тариф (тг/кВтсағ) | Жаңа тариф (тг/кВтсағ) |
|---|---|---|
| Т.И. Батыров атындағы Жамбыл МАЭС | 22,58 | 23,25 |
| Ақтөбе ЖЭО | 17,54 | 18,19 |
| «Жайықжылуэнерго» АҚ | 13,25 | 13,95 |
| МАЭК-Қазатомөнеркәсіп | 22,16 | 23,26 |
| «Кристалл Менеджмент» АҚ | 15,27 | 16,09 |
| «Ақтөбе рельс-арқалық зауыты» ЖШС | 21,11 | 23,58 |
| З-Энергоорталық | 16,77 | 18,46 |
| Қызылорда жылу электр орталығы | 12,10 | 13,13 |
| «Батыс Пауэр» ЖШС | 15,89 | 17,63 |
| Karabatan Utility Solutions ЖШС | 10,67 | 13,06 |
| OzenMunaiProm ЖШС | 26,92 | 28,68 |
| «Қазхром» ТҰК» АҚ | 10,67 | 11,65 |
| «ССКӨБ» АҚ | 18,82 | 18,94 |
Сонымен қатар, 63-ші энергия өндіруші ұйымдар тобы үшін киловатт-сағатына 44,02 теңге көлемінде шекті тариф бекітілді.
Энергетика министрлігі алдағы уақытта бұл өзгерістердің электр энергиясының қолжетімділігі мен сапасына оң әсер ететінін атап өтті. Алайда, тарифтің өсуі тұтынушылар тарапынан қосымша шығындарға әкелетіні анық.
Мұндай қадам саланың тұрақты дамуын қамтамасыз етіп, энергетикалық қауіпсіздікті арттыру мақсатында қолға алынуда.
