Таңғы сағат 08:56 шамасында облыстық ТЖД-нің кезекші бөліміне көпқабатты тұрғын үйлердің бірінен газдың иісі шыққаны туралы хабарлама келіп түсті. Шақырту орнына ТЖД, газ мамандары, жедел медициналық көмек және полиция қызметкерлері келіп жетті.
Газдың иісі көпқабатты тұрғын үйдің алтыншы қабатындағы пәтерден шыққаны анықталды. Есікті ешкім ашпаған соң, ТЖД қызметкерлері пәтерге балкон арқылы кірді. Олар үйден газдан уланған 1985 жылы туған ер адамды жедел алып шығып, жедел медициналық жәрдем қызметкерлеріне тапсырылды. Мамандар тексеру барысында табиғи газ шүмегінің ашылып қалғанын анықтады.
